வாழப்பாடி:வாழப்பாடி அடுத்த, மின்னாம்பள்ளி பகுதியில் நேற்று மாட்டு சந்தை நடந்தது. பல்வேறு பகுதியில் இருந்து, 600 மாடுகள் வரை விற்பனைக்கு கொண்டு வந்திருந்தனர். வடகத்தி மாடு, தெற்கத்தி மாடு, ஜெர்சி, பசுமாடு, கன்றுகள், காங்கேயம் உள்ளிட்ட பலரக மாடுகள் விற்பனைக்கு கொண்டு வரப்பட்டிருந்தன. கன்றுகள், 4,000 முதல், 8,500 ரூபாய் வரையும், மாடுகள், 9,000 முதல், 70 ஆயிரம் ரூபாய் வரை விற்பனையானது. வெயில் காரணமாக, வழக்கத்தை விட மாடுகள் வரத்து அதிகரித்திருந்ததால், விலை சரிந்து விற்பனையானதாகவும், 75 லட்சம் ரூபாய் வரை வர்த்தகம் நடந்ததாக வியாபாரிகள் தெரிவித்தனர்.