அதன்படி, ஒருங்கிணைந்த பள்ளிக்கல்வி உதவித்திட்ட அலுவலர் ரவிக்குமார் தலைமையில், மாவட்ட ஒருங்கிணைப்பாளர் துரைராஜன், தர்மபுரி ஒன்றிய மேற்பார்வையாளர் முல்லைவேந்தன், ஆசிரியர் பயிற்றுனர்கள் அருண்குமார் மற்றும் தலைமை ஆசிரியர் அடங்கிய குழுவினர், செங்கல் சூளை பகுதிக்கு நேரில் கள ஆய்வு செய்தனர். அப்போது, செங்கல் சூளையில் பணியாற்றும் தொழிலாளர்கள், பீஹார் மாநிலம் கயா மற்றும் நவாடா ஆகிய மாவட்டங்களை சேர்ந்தவர்கள், இவர்களின் குழந்தைகள் பள்ளியில் சேர்க்கப்படவில்லை என தெரிந்தது. அவர்களுக்கு ஹிந்தி மட்டுமே தெரிந்திருந்ததால், ஆசிரியர் இம்ரான், அவர்களுடன் பேசினார். அப்போது அரசின் பல்வேறு திட்டங்களை தொழிலாளர்களுக்கு விளக்கி, குழந்தைகளை பள்ளியில் சேர்க்க வலியுறுத்தினார்.

இதையடுத்து, வடமாநில தொழிலாளர்களின் குழந்தைகள், 5 பேர் முதல் வகுப்பிலும், 3 பேர், 2ம் வகுப்பிலும், இருவர் மூன்று மற்றும் 5ம் வகுப்பிலும் என, பலாமரத்துக்கொட்டாய் தொடக்கப் பள்ளியில் சேர்க்கப்பட்டனர்.