தர்மபுரி : தர்மபுரி மாவட்டத்தில், கடந்த இரண்டு மாதங்களாக வெயில் வாட்டி வதைத்து வருகிறது. தொடர் வெப்பநிலையால், பொதுமக்களின் இயல்பு வாழ்க்கை பாதிக்கப்பட்டது. மேலும் மாவட்ட நிர்வாகம் சார்பில், பொதுமக்களின் நலன் கருதி காலை, 11:30 முதல் மாலை, 3 மணி வரை வெளியில் செல்வதை தவிர்க்க வேண்டும் என அறிவுறுத்தப்பட்டது. இந்நிலையில், நேற்று முன்தினம் இரவு தர்மபுரி மாவட்டத்தில், ஆங்காங்கே மழை பெய்தது.