தர்மபுரி - பாப்பாரப்பட்டி சாலையில், எண்டபட்டி பஸ் நிறுத்தம் அருகே திடீரென சிறுவர்கள் பைக்கை, 'வீலிங்' செய்ய முயன்றபோது கட்டுப்பாட்டை இழந்த பைக், விவசாயி மாணிக்கம் மொபட் மீது மோதியதில் அவர் சம்பவ இடத்திலேயே பலியானார்.

இரு சிறுவர்களும் அங்கிருந்து தப்ப முயன்றதில், ஒருவரை பொதுமக்கள் மடக்கி பிடித்தனர்; மற்றொருவர் தப்பி விட்டார்.

பிடிபட்ட சிறுவன் அரசு பள்ளியில் பிளஸ் 1 படிப்பதாகவும், தப்பியவர் சக மாணவன் என்பதும் தெரியவந்தது. பாப்பாரப்பட்டி போலீசார் விசாரிக்கின்றனர்.