ஒரு சில ஏரிகளில் இருந்த நீரை கொண்டு, சில விவசாயிகள் நெல் சாகுபடி செய்தனர். தர்மபுரி, ராமக்காள் ஏரி பாசன வாய்க்கால் விவசாயிகள், ஏரியில் இருந்த நீரை கொண்டு நெல் சாகுபடி செய்தனர். நெல் தற்போது நன்றாக வளர்ந்து, அறுவடைக்கு தயாராக இருந்தது. கடந்த, 2 நாட்களாக தர்மபுரியில் பலத்த காற்றுடன், கோடை மழை பெய்து வருவதால், அறுவடைக்கு தயாராக இருந்த நெற்கதிர்கள் வயலில் சாய்ந்து, உதிர்ந்து வீணாகி வருகின்றன. இதனால், நெல் சாகுபடி விவசாயிகள் கவலை அடைந்துள்ளனர். மழையால் பாதிக்கப்பட்ட நெற் பயிர்களுக்கு, இழப்பீடு வழங்க வேண்டுமென, தமிழக அரசுக்கு விவசாயிகள் கோரிக்கை விடுத்துள்ளனர்.