நேற்று முன்தினம் இரவு, சுகாதாரத்துறை இணை இயக்குனர் சாந்தி தலைமையிலான குழுவினர், கிட்டனஹள்ளி பகுதியில் ஒரு வீட்டில் நுழைந்தனர். அங்கு இருந்த கர்ப்பிணியை விசாரித்தனர்.

அவருக்கு ஏற்கனவே இரு பெண் குழந்தைகள் உள்ள நிலையில், வயிற்றில் உள்ள சிசுவும் பெண் என தெரிந்ததால், கருக்கலைப்பு செய்ய முயன்றது தெரிந்தது.

இதையடுத்து, அவருக்கு கருக்கலைப்பு செய்ய முயன்ற, சேலம் மாவட்டம், பனமரத்துபட்டியைச் சேர்ந்த சித்ராதேவி, 42, என்பவரை பிடித்து பாப்பாரப்பட்டி போலீசில் ஒப்படைத்தனர். சேலத்தில், ஒரு தனியார் மருத்துவமனையில் அவர் செவிலியராக பணிபுரிவது தெரிந்தது. அவரை கைது செய்த போலீசார், மேலும் விசாரிக்கின்றனர்.