தர்மபுரி:பொங்கலையொட்டி, தர்மபுரி மாவட்டத்தில் எருதாட்டம் மற்றும் மஞ்சுவிரட்டு நிகழ்ச்சிகள் விமரிசையாக நடத்தப்படுகின்றன. இதில், போகி பண்டிகை தினத்தில், ஒரு சில இடங்களில், மஞ்சுவிரட்டு நிகழ்ச்சியும், மாட்டுப்பொங்கல் தினத்தில் கோவில்கள் மற்றும் மண்டு பகுதிகளில் ஜல்லிக்கட்டு காளைகளுடன் சேர்ந்து வழிபடும் நிகழ்ச்சியும் நடந்தன. தொடர்ந்து, காணும் பொங்கலான நேற்று, எருதாட்டம் நிகழ்ச்சி மாவட்டம் முழுதும் பெரும்பாலான பகுதிகளில் நடந்தது.