தர்மபுரி மாவட்டத்தில், கிராமப்புறங்களில் விவசாயிகள் ஆடு, மாடு மற்றும் எருமை உள்ளிட்ட கால்நடைகளை வளர்த்து வருகின்றனர். இந்நிலையில், மாட்டுப்பொங்கலை நேற்று தமிழகம் முழுவதுமுள்ள கால்நடை வளர்க்கும் விவசாயிகள் கொண்டாடினர். நேற்று, தர்மபுரி அடுத்த நடுப்பட்டியை சேர்ந்த ஜோதி - கவிபிரியா தம்பதி வளர்த்து வந்த ஒரு வெள்ளாடு, 2 பெண், 3 ஆண் என மொத்தம், 5 குட்டிகளை ஈன்றுள்ளது. இதை நடுப்பட்டி மற்றும் அதை சுற்றியுள்ள கிராம மக்கள் ஆச்சரியத்துடன் பார்த்து சென்றனர்.