பாப்பிரெட்டிப்பட்டி: கடத்துார் ஒன்றியம், தாளநத்தம் ஊராட்சியில் அய்யம்பட்டி, குண்டல்பட்டி, நொச்சிக்குட்டை, தாளநத்தம், காவேரிபுரம் உள்ளிட்ட கிராமங்களில், 5,000க்கும் மேற்பட்டோர் வசிக்கின்றனர். இதில், அய்யம்பட்டி, 4 ரோடு பகுதியில், 100க்கும் மேற்பட்டோர் வசிக்கின்றனர். இவர்களின் குடிநீர் தேவைக்காக, கடந்த 2020- -21ம் ஆண்டில் எம்.எல்.ஏ., தொகுதி மேம்பாட்டு நிதியிலிருந்து, 6.50 லட்சம் ரூபாய் மதிப்பில் மேல்நிலை குடிநீர் தொட்டி கட்டப்பட்டது. இது கட்டப்பட்டதிலிருந்து, இதுவரை குடிநீரோ, ஒகேனக்கல் குடிநீரோ ஏற்றப்படவில்லை. இதனால் கடந்த, 4 ஆண்டுகளுக்கு மேலாக பொதுமக்கள் குடிநீரின்றி கடும் அவதி அடைந்து வருகின்றனர்.