தமிழகத்தில் ஏப்., 23ல் ஒரே கட்டமாக தேர்தல் நடக்க உள்ளது. இதையொட்டி, கடந்த, 15ம் தேதி முதல், தேர்தல் நடத்தை விதி-முறைகள் அமலுக்கு வந்தன.

தர்மபுரி மாவட்டத்தில், தொப்பூர், திப்பம்பட்டி, அனுமந்-தீர்த்தம், நரிபள்ளி, கோம்பூர், ராம்மூர்த்தி நகர், பெரும்பாலை, மடம், கும்பாரஹள்ளி, காடுசெட்டிப்பட்டி, நாய்குந்தி என, 11 இடங்களிலுள்ள நிலையான சோதனைச்சாவடிகளில் போலீசார், பறக்கும் படையினர் சோதனையில் ஈடுபட்டுள்ளனர்.

இதனிடையே மாவட்ட எல்லையான தொப்பூர் காவலர் குடியி-ருப்பு அருகே, சோதனையை மேலும் அதிகரிக்க நடவடிக்கை எடுக்கப்பட்டுள்ளது. இன்ஸ்பெக்டர் புவனேஸ்வரி தலை-மையில், 5க்கும் மேற்பட்ட போலீசார், 3 துணை ராணுவ படை-யினர், பறக்கும் படை அலுவலர்கள், 'சிசிடிவி' கேமராக்கள் பொருத்தி, அனைத்து வாகனங்களையும் தீவிர சோதனைக்கு பின்பே அனுமதித்து வருகின்றனர்.

இதை, மாவட்ட எஸ்.பி., மகேஷ்வரன், துணை ராணுவ படையை சேர்ந்த உதவி கமிஷ்னர் அகிலேஷ் யாதவ் ஆகியோர் கண்காணிக்கின்றனர்.