திருவண்ணாமலை, டிச. 20-

திருவண்ணாமலை, அருணாசலேஸ்வரர் கோவிலில், மாதந்தோறும் பவுர்ணமி கிரிவலம் முடிந்து உண்டியல் எண்ணப்படுவது வழக்கம். அதன்படி, கார்த்திகை தீப திருவிழா மற்றும் கார்த்திகை மாத பவுர்ணமி முடிந்த நிலையில், நேற்று முதல் கட்ட, உண்டியல் எண்ணும் பணி நடந்தது. இதில், 2.84 கோடி ரூபாய், 164 கிராம் தங்கம், 1,020 கிராம் வெள்ளி ஆகியவற்றை பக்தர்கள் காணிக்கையாக செலுத்தியிருந்தனர். வரும், 30ம் தேதி, 2ம் கட்ட உண்டியல் காணிக்கை எண்ணப்பட உள்ளது.