அரூர், -தர்மபுரி மாவட்டம், அரூர் அடுத்த எருமியாம்பட்டியிலுள்ள இ.ஆர்.கே., கல்வி நிறுவனங்கள், தர்மபுரி மாவட்ட இளைஞர் செஞ்சிலுவை சங்கம் மற்றும் இந்திய மருத்துவச் சங்கம் ஆகியவை இணைந்து நடத்திய ரத்த தான முகாம், இ.ஆர்.கே., பல்நோக்கு மருத்துவமனை வளாகத்தில் நடந்தது. இதை இ.ஆர்.கே., கல்வி நிறுவனங்களின் தலைவர் தாளாளர் செல்வராஜ் தொடங்கி வைத்தார். நிர்வாக இயக்குனர் சோழவேந்தன் தலைமை வகித்தார். தர்மபுரி மாவட்ட இளைஞர் செஞ்சிலுவை சங்க ஒருங்கிணைப்பாளரும், இ.ஆர்.கே., கலை மற்றும் அறிவியல் கல்லுாரியின் முதல்வருமான முனைவர் சக்தி வரவேற்றார்.