அதியமான்கோட்டை:தர்மபுரி மாவட்டம், அதியமான்கோட்டையில் சுயம்பு காளியம்மன் கோவில் உள்ளது. இங்கு சித்திரை மாத தேர்த்திருவிழா ஆண்டுதோறும் நடப்பது வழக்கம். நடப்பாண்டிற்கான தேர்த்திருவிழா, மார்ச், 28- அன்று கூழ் ஊற்றி, அம்மன் சக்தி கரகம் வலம் வருதல் நிகழ்ச்சியுடன் தொடங்கியது. ஏப்., 9-ல் கும்ப பூஜை, 11-ல் கோ பூஜை மற்றும் வினாயகர் தேர் இழுத்தல், ஏப்., 12ல் காளியம்மன் சிறிய தேர் இழுத்தல் நேற்று முன்தினம் மற்றும் நேற்று என, இரு தினங்கள் காளியம்மன் மஹாரத தேரோட்ட நிகழ்ச்சி நடந்தது.