தர்மபுரி மாவட்ட நுாலக அலுவலர் கோகிலவாணி வெளியிட்டுள்ள அறிக்கை:

தர்மபுரி மாவட்ட மைய நுாலகத்தில் வரும், 23ல் திருவள்ளுவர் புகைப்பட கண்காட்சியை மாவட்ட கலெக்டர் சாந்தி துவக்கி வைக்கிறார். 24ல், 'உள்ளுவதெல்லாம் உயர்வுள்ளல்' என்ற தலைப்பில் கல்லுாரி மாணவர்களுக்கான கருத்தரங்கம் நடக்கிறது. மேலும், 1 - 9ம் வகுப்பு வரை படிக்கும் மாணவர்களுக்கு, 26ல், திருக்குறள் ஒப்புவித்தல் போட்டியும், 9 முதல், பிளஸ் 2 வரை படிக்கும் மாணவர்களுக்கு வரும், 27ல், வினாடி - வினா போட்டியும் நடக்கிறது. 28ல், 'அன்பும் அறனும்' என்ற தலைப்பிலும், 29ல், 'உழுதுண்டு வாழ்வாரே' என்ற தலைப்பில் கல்லுாரி மாணவர்களுக்கு கருத்தரங்கும் நடக்கிறது.

30ல் 'குமரியில் அய்யன் வள்ளுவர் சிலையும், குறளில் அதிகாரவைப்பு முறையும்' என்ற தலைப்பில், 1 - 10ம் வகுப்பு வரை உள்ள மாணவர்களுக்கு பேச்சுப்போட்டி நடக்கிறது. இப்போட்டிகளில் முதல் பரிசாக, 5,000, இரண்டாம் பரிசு, 3,000, மூன்றாம் பரிசாக, 2,000 ரூபாயும் வழங்கப்படும். போட்டிகளில் பங்கேற்க, www.dpiopac@gmail.com என்ற இணைய தளத்தில் பதிவு செய்யலாம். மேலும் விபரங்களுக்கு, 94866 88323, 90957 83470 என்ற எண்ணில் தொடர்பு கொள்ளலாம்.

இவ்வாறு, அதில் தெரிவித்துள்ளார்.