கடந்த வாரம் பெய்த கனமழையால், கோம்பேரியில் அறுவடைக்கு தயாராக இருந்த நெல், ராகி, சோளத் தோட்டங்களில் மழை வெள்ளம் புகுந்து தண்ணீர் தேங்கியதால், அனைத்து பயிர்களும் அழுகி வருகின்றன. இது குறித்து, தகவல் அளித்தும், வேளாண் துறை அதிகாரிகள் இதுவரை சேதம் குறித்து பார்வையிட வரவில்லை. பாதிப்புகளை கணக்கீடு செய்து, உரிய இழப்பீடு வழங்க வேண்டும் என, விவசாயிகள் கோரிக்கை விடுத்துள்ளனர்.