இதையடுத்து, நகராட்சி துாய்மை பணியாளர்கள் கொண்ட குழுவினர் மற்றும் தெரு நாய் பிடிப்பதற்கு பயிற்சி பெற்ற தன்னார்வ தொண்டு நிறுவனத்தினர் இணைந்து, தெருநாய்களை பிடிக்கும் பணியில் ஈடுபட்டு வருகின்றனர். பஸ் ஸ்டாண்ட், அக்ரஹார தெரு, எஸ்.பி., ரோடு உள்ளிட்ட பகுதிகளில், கடந்த, 2 நாட்களாக தெரு நாய்களை வலை வைத்து பிடித்து வருகின்றனர். தொடர்ந்து, நாய்க்கடி தடுப்பூசி, கருத்தடை அறுவை சிகிச்சை செய்து, 2 நாட்கள் பராமரித்து, அந்த நாய்களை பிடித்த இடத்திலேயே பாதுகாப்பாக விடுவித்து வருகின்றனர்.