தீயணைப்பு துறையினர் மீட்பு

தர்மபுரி, டிச. 1-

நல்லம்பள்ளி அடுத்த ஓசஹள்ளி புதுாரிலுள்ள ஒரு வீட்டில், பாம்பு ஒன்று புகுந்தது. தர்மபுரி தீயணைப்பு துறையினர் சம்பவ இடம் சென்று வீட்டிலிருந்த, 5 அடி நீள சாரைப்பாம்பை உயிருடன் மீட்டனர். பாலக்கோடு அடுத்த கிருஷ்ணன் கொட்டாய் கிராமத்தில் ஒரு வீட்டில் பாம்பை மீட்டனர். நல்லம்பள்ளி அடுத்த வெத்தலைக்காரன் கொட்டாயில் உள்ள ஒரு வீட்டில், 4 அடி நீள நாகப்பாம்பை உயிருடன் மீட்டனர். சோகத்துார் கூட்ரோடு அருகே உள்ள ஒரு வீட்டில், 5 அடி நீள சாரைப்பாம்பை மீட்டனர்.

இதேபோல், தர்மபுரி மாவட்டம் முழுவதும் நேற்று மட்டும், 6 பாம்புகளை தீயணைப்பு துறையினர் மீட்டனர். கூண்டில் அடைக்கப்பட்டிருந்த இந்த பாம்புகளை, தர்மபுரி மாவட்ட வனத்துறையினரிடம் அவர்கள் ஒப்படைத்தனர். வனத்துறையினர், தொப்பூர் வனப்பகுதி காப்புக்காட்டில் விட்டனர்.