குறிப்பாக, கர்நாடகா மாநிலத்தில் இருந்து யானைகள் வலசு வரும் போது, கிருஷ்ணகிரி மாவட்டம் வழியாக மாரண்டஹள்ளி, பாலக்கோடு, பென்னாகரம், ஒகே-னக்கல் வன பகுதிகளுக்கு வந்து செல்வது வழக்கம்.கிருஷ்ணகிரி மாவட்ட வன பகுதியிலுள்ள யானைகள், பாலக்-கோடு வனப்பகுதிக்கு வந்து, ஈச்சம்பள்ளம் மற்றும் அதை ஒட்-டிய கிராமங்களுக்குள் புகுந்து பயிர்களை நாசம் செய்து வருவ-துடன் பொதுமக்களையும் அச்சுறுத்தி வருகின்றன. இதை தடுக்க, கிருஷ்ணகிரி மாவட்ட எல்லையில் இருந்து தர்மபுரி மாவட்டம், பாலக்கோடு வனப்பகுதியில் யானைகள் வந்து செல்லும் பகுதி-களில், சோலார் மின்வேலி அமைக்க, விவசாயிகள், பொதுமக்கள் கோரிக்கை விடுத்து வந்தனர்.

இது குறித்து, தர்மபுரி மாவட்ட வன அலுவலர் ராஜாங்கம் கூறி-யதாவது:

பாலக்கோடு வன பகுதியில் இருந்து யானைகள் வெளியேறு-வதை தடுக்க, கோடுபட்டியிலிருந்து, 13 கி.மீ., நீளத்திற்கு சோலார் மின்வேலி அமைக்க, தேவையான நிதி ஒதுக்க, அரசுக்கு கருத்துரு அனுப்பப்பட்டது. இதற்கு, தமிழக அரசு அனுமதி அளித்த நிலையில், விரைவில் பணிகள் தொடங்க உள்ளது. தவிர, 2 கி.மீ., துாரத்திற்கு யானை அகழி அமைக்கவும் அனுமதி கிடைத்துள்ளது. இதனால், யானைகள் ஊருக்குள் வருவதை ஓர-ளவு கட்டுப்படுத்த முடியும்.

மேலும், மொரப்பூர் வன சரகம் மற்றும் பாலக்கோடு வனப்பகு-தியில், 15 ஹெக்டேர் பரப்பில் சீமை கருவேல மரங்கள் மற்றும் உனி முள் செடிகள் அழிக்கப்பட்டுள்ளன. அந்த இடத்தில், யானைகளுக்கு தேவையான உணவை ஏற்பாடு செய்யும் வகையில், மூங்கில், யானை புல், கொலுகட்டை புல் ஆகியவை நடப்பட்டன. தற்போது அவை நன்கு வளர்ந்துள்ளன. அதே சமயம் சீமை கருவேல மரங்கள், மீண்டும் வளராதவாறு கண்கா-ணிக்கபட்டு வருகிறது. இதனால், யானைகளுக்கு தேவையான உணவு, இனி வனப்பகுதியில் கிடைக்கும் என்பதால், ஊருக்குள் வருவது, பெருமளவு தடுக்கப்படும்.

இவ்வாறு, அவர் கூறினார்.