மது அருந்துவோர் சாலையோரம் குடிக்கின்றனர். பின் கிராம பகுதியில் நின்று, காலி பாட்டில்களை போதையில் உடைத்து போடுகின்றனர். மேலும் அவ்வழியே பள்ளி, கல்லூரி மாணவ மாணவியர், பெண்கள் அச்சத்துடன் செல்லும் நிலை உள்ளது. இதனால் பெண்கள் தினமும் அவதிப்பட்டு வருகின்றனர். அப்பகுதி பெண்கள், மேற்படி மதுக்கடையை மாற்ற வேண்டுமென தொடர்ந்து கோரிக்கை வைத்தனர். ஊராட்சி கிராம சபை கூட்டங்களிலும் தீர்மானம் நிறைவேற்றப்பட்டது. இதையடுத்து ஊராட்சி பகுதிகளில் குடிக்கவும், சாலையோரம் அமர்ந்து குடிக்கவும் தடை விதிக்கப்பட்டுள்ளது. தற்போது வடசந்தையூரில் இயங்கி வரும் கடையை, சந்தைப்பேட்டை பகுதிக்கு மாற்ற வேண்டும் என பொதுமக்கள் வேண்டுகோள் விடுத்ததையடுத்து ஊராட்சிக்கு சொந்தமான இடத்தில் புதியதாக டாஸ்மாக் கடை கட்டப்பட்டுள்ளது. ஒரு சில நாட்களில், கடை அங்கு மாற்றப்பட உள்ளது.