தர்மபுரி: தர்மபுரி மாவட்ட நிர்வாகம், போலீசார் மற்றும் தேசிய நெடுஞ்சாலை துறை, சுங்கச்சாவடி நிர்வாகம் சார்பில், ஜன., 15 முதல் பிப்., 14 வரை சாலை பாதுகாப்பு மாத விழாவை முன்னிட்டு, மாவட்டம் முழுவதும் பல்வேறு விழிப்புணர்வு பேரணி நடத்தப்பட்டு வருகிறது. அதன்படி, தர்மபுரி - சேலம் தேசிய நெடுஞ்சாலையில், தினமும் ஆயிரக்கணக்கான கனரக மற்றும் பைக்குகள் செல்வதையடுத்து, அந்த வாகனங்களின் ஓட்டுனர்களின் பாதுகாப்பு கருதி, மாவட்ட நிர்வாகம், போக்குவரத்து துறை மற்றும் தனியார் கண் மருத்துவமனை சார்பில், பாளையம் சுங்கச்சாவடி பகுதியில், வாகன ஓட்டுனர்களுக்கு இலவச மருத்துவ முகாமை, மாவட்ட கலெக்டர் சாந்தி மற்றும் எஸ்.பி., ஸ்டீபன் ஜேசுபாதம் ஆகியோர் குத்துவிளக்கேற்றி துவக்கி வைத்தனர்.