அரூர்: தர்மபுரி மாவட்டம், மொரப்பூர் மருதம் மெட்ரிக் மேல்நிலைப் பள்ளியில், ஒன்றாம் வகுப்பு படிக்கும், 5 வயதுள்ள மாணவி ஹரித்ரா, 10, திருக்குறள்களை, 15.30 வினாடிகளில் தெளிவாகவும் அதி வேகமாகவும் சொல்லி, சாதனை படைத்தார். மேலும் இப்பள்ளியில் எல்.கே.ஜி., படிக்கும், 3 வயது மாணவர் வினிஷ், தமிழின் மெய் எழுத்துக்களை, 8 வினாடிகளில் தெளிவாகவும் அதிவேகமாகவும் சொல்லி சாதனை படைத்துள்ளார். இம்மாணவ, மாணவியின் சிறந்த நினைவாற்றல், தெளிவான உச்சரிப்பு மற்றும் மொழித்திறன் ஆகியவற்றை பாராட்டி, 'கிங்டம் வேர்ல்டு ரெக்கார்டு' நிறுவனம் உலக சாதனை பட்டியலில் அங்கீகரித்தது. இருவருக்கும் சான்றிதழ்களை வழங்கி பாராட்டு தெரிவித்தது.