இதற்கு ஒரு தரப்பினர், எங்களையும் சேர்த்து திருவிழா நடத்த கேட்டபோது, 'திரவுபதியம்மன் திருவிழாவை காலம் காலமாக நாங்கள் மட்டும் தனியாக நடத்தி வருகிறோம்.

பட்டாளம்மன் திருவிழாவைத்தான் அனைத்து தரப்பினரும் சேர்ந்து செய்வது வழக்கம்' எனக்கூறி, திரவுபதியம்மன் திருவிழாவை நடத்தாமல் இருக்க, ஒரு தரப்பினர் முடிவு செய்தனர். இதனால், போச்சம்பள்ளி தாசில்தார் சத்யா முன்னிலையில், தாசில்தார் அலுவலகத்தில், நேற்று முன்தினம் இருதரப்பினரும் அழைத்து, சமாதான பேச்சுவார்த்தை நடத்தப்பட்டது.

இதில், மற்றொரு தரப்பினரை கூட்டாக சேர்த்து திருவிழா நடத்த முடியாது. திருவிழாவை நடத்தாமல் புறக்கணிப்பதாக கூறி, ஒரு தரப்பினர் சென்றதால், பேச்சுவார்த்தையில் முடிவு எட்டப்படவில்லை.

இதனால் கோவில் பகுதியில் பாரூர் இன்ஸ்பெக்டர் சிவசங்கரன் தலைமையில், 20க்கும் மேற்பட்ட போலீசார் பாதுகாப்பு பணியில் ஈடுபட்டு வருகின்றனர்.