கர்நாடக மாநிலம், பெங்களூருவை சேர்ந்த ஆம்னி பஸ் டிரைவர் லோகித், 35. இவர் பெங்களூருவில் இருந்து, எர்ணாகுளத்திற்கு தனியார் ஆம்னி பஸ்சை ஓட்டி சென்றார். அவருடன் அதே பகு-தியை சேர்ந்த சேத்தன், 30 என்ற மாற்று டிரைவரும் உடன் வந்தார். நேற்று காலை, 10:00 மணிக்கு தர்மபுரி மாவட்டம், தொப்பூர் கணவாய் அருகே வந்தபோது, தர்மபுரியில் இருந்து மேட்டூர் நோக்கி சென்ற அரசு பஸ்சை உரசியவாறு, ஆம்னி பஸ் சென்றுள்ளது. இதனால் ஆத்திரமடைந்த அரசு பஸ் டிரைவர், தொப்பூர் ஆஞ்சநேயர் கோவில் அருகே, தர்மபுரி - சேலம் தேசிய நெடுஞ்சாலையில், ஆம்னி பஸ்சை முந்தி சென்று, குறுக்-கிட்டு நிறுத்தினார். இதில், அரசு பஸ் டிரைவர் வெங்கடா-சலம், 57, நடத்துனர் மாதேஷ், 55, மற்றும் ஆம்னி பஸ் டிரை-வர்கள் இடையே வாக்குவாதம் ஏற்பட்டு, திடீரென மோதலாக மாறி, 4 பேரும் தாக்கி கொண்டனர். இதில், வெங்கடாசலம், மாதேஷ், லோகித், ஆகிய, 3 பேர் காயமடைந்தனர். இது குறித்த புகார் படி, ஆம்னி பஸ் டிரைவர்கள் மற்றும் அரசு பஸ்சின் டிரைவர், நடத்துனர் என, 4 பேர் மீதும், தொப்பூர் போலீசார் வழக்கு பதிவு செய்தனர். 4 பேரும் சாலையில், கடுமையாக தாக்கி கொள்ளும் காட்சி வைரலானது.