தர்மபுரி மாவட்டம், பொம்மிடி அடுத்த குண்டல்மடுவு பகுதியை சேர்ந்தவர் வேடியப்பன், 58. சுங்கரஹள்ளி தொடக்க வேளாண் கூட்டுறவு வங்கியில் செயலாளராக பணியாற்றி வந்தார். நேற்று மதியம் அலுவலக வேலையாக தர்மபுரி சென்று விட்டு, மாலையில் தன் ஹோண்டா டியோ மொபட்டில் கடத்துார் - பொம்மிடி ரோட்டில் வந்து கொண்டிருந்தார். சில்லாரஹள்ளி தேசிய வங்கி அருகே இரவு, 7:00 மணியளவில், பொம்மிடியில் இருந்து கடத்துார்

நோக்கி வந்த, நெல் அறுக்கும் வாகனம், மொபட் மீது மோதியதில், நெல் அறுக்கும் கம்பி வேடியப்பன் கழுத்தில் குத்தியதில் சம்பவ இடத்திலேயே அவர் பலியானார். புகார் படி, கடத்துார் போலீசார் விசாரிக்கின்றனர்.