பள்ளிக்கு சுற்றுச்சுவர் இல்லாததால், பகல் நேரத்தில் பள்ளி வளாகத்தினுள் ஆடு, மாடு உள்ளிட்ட கால்நடைகள் புகுந்து மேய்கின்றன. மேலும், இரவு நேரங்களில் பள்ளி வளாகத்திற்குள் நுழையும் மர்ம நபர்கள் அங்கு மது அருந்துகின்றனர்.

பின், அங்கேயே, தின்பண்டங்கள், காலி மதுபாட்டில்களை உடைத்து விட்டு செல்கின்றனர். காலையில் பள்ளிக்கு வரும் மாணவ, மாணவியர் இதைக்கண்டு அச்சமடைகின்றனர்.

எனவே, பள்ளிக்கு சுற்றுச்சுவர் மற்றும் மின்விளக்கு உள்ளிட்ட அடிப்படை வசதிகள் செய்து தர, மாவட்ட நிர்வாகம் நடவடிக்கை எடுக்க, அப்பகுதி மக்கள் கோரிக்கை விடுத்துள்ளனர்.