* பாலக்கோடு பேரூராட்சி சார்பில், சமத்துவ பொங்கல் விழா பேரூராட்சி தலைவர் முரளி தலைமையில் நடந்தது. துணைத்தலைவர் இதாயத்துல்லா முன்னிலை வகித்தார். தொடர்ந்து பேரூராட்சி வளாகத்தில் செங்கரும்பு, மஞ்சள் வைத்து, வண்ண கோலங்களால் அலங்கரிக்கப்பட்டது. பின், பானையில் பொங்கல் வைத்து சூரியனை வணங்கி நன்றி தெரிவித்தனர். துப்புரவு ஆய்வாளர் ரவீந்திரன், வார்டு கவுன்சிலர்கள்

சரவணன், மோகன், ஜெயந்தி அலுவலக பணியாளர்கள் மற்றும் துாய்மை காவலர்கள் உள்பட பலர் பங்கேற்றனர். இதேபோல், பாலக்கோடு அடுத்த மாரண்டஹள்ளி பேரூராட்சி அலுவலக வளாகத்தில்,பேரூராட்சி தலைவர் வெங்கடேசன் தலைமையில் பொங்கல் விழா நடந்தது.

* அரூர் டவுன் பஞ்., அலுவலகத்தில், சமத்துவ பொங்கல் விழா நேற்று நடந்தது. டவுன் பஞ்., தலைவர் இந்திராணி துவக்கி வைத்தார். வார்டு கவுன்சிலர்கள், துாய்மை பணியாளர்கள், பொதுமக்கள் உட்பட பலர் பங்கேற்றனர்.