தர்மபுரி: தை மாதம் முதல் நாளான நேற்று, தர்மபுரி மாவட்டத்தின் பல்வேறு பகுதிகளில் வசிக்கும் மக்கள் பானையில் பொங்கல் வைத்தும், மஞ்சள் கொத்து, கரும்பு உள்ளிட்டவைகளை வைத்தும், சூரிய பகவானுக்கு மரியாதை செய்து பொங்கல் படையலிட்டனர். பின் பொங்கலை அருகில் வசிக்கும் உறவினர் மற்றும் பொதுமக்களுக்கு வழங்கினர். கோவில் மற்றும் குலதெய்வ சுவாமிக்கு படையல் மற்றும் சிறப்பு பூஜை செய்து வழிபட்டனர்.