முன்னதாக, தமிழக விவசாயிகள் சங்க மாநில பொதுச்செயலாளர் சுந்தரம் நிருபர்களிடம் கூறியதாவது: எண்ணெகொள்புதுார் தடுப்பனையிலிருந்து, தும்பலஹள்ளி அணைக்கு கால்வாய் திட்டம், ஆழியாளம் முதல் துாள்செட்டி ஏரி கால்வாய் திட்டம், புலிக்கரை ஏரி தண்ணீர் கொண்டு வரும் திட்டம் உள்ளிட்ட-வற்றை செயல்படுத்துவதில், இந்த அரசு ஆமை வேகத்தில் உள்-ளது. ஒகேனக்கல் காவிரியாற்றில் உபரி நீரை, நீரேற்று திட்-டத்தின் மூலம், தர்மபுரி மாவட்ட ஏரிகளில் நிரப்ப, அரசியல் கட்-சிகள் மற்றும் விவசாய சங்கங்கள் தொடர்ந்து கோரிக்கை வைத்தும், விவசாயிகளுக்கு அரசு ஏமாற்றத்தையே அளிக்கி-றது.

அரசு விவசாயிகளுக்கு தனி பட்ஜெட் என்று அறிவித்தாலும், நிதி ஒதுக்குவதில்லை. விவசாயிகளின் நிலை குறித்து, அரசு கவனத்-திற்கு கொண்டு செல்ல, முதல் கட்டமாக தர்மபுரி மாவட்ட விவ-சாயிகளை திரட்டி, தண்ணீர் உரிமை கோரிக்கை மாநாடு நடத்தி உள்ளோம். கோரிக்கைகளுக்கு, அரசு செவிசாய்க்கா விட்டால், விரைவில் அனைத்து கிராமங்களிலும் விழிப்புணர்வு பிரசாரம் மேற்கொண்டு, விவசாயிகள் சார்பில், மிகப்பெரிய போராட்டம் நடத்தப்படும். தர்மபுரி மாவட்டத்தில், உபரிநீர் சார்ந்த திட்டங்க-ளுக்கு யார் போராட்டம் நடத்தினாலும் அதை நாங்கள் ஆத-ரிப்போம்.

இவ்வாறு அவர் கூறினார்.