அரூர், அரூர் ஒன்றியம் கீரைப்பட்டியில், உங்களுடன் ஸ்டாலின் திட்ட முகாம், நேற்று நடந்தது. இதில், அரூர் ஆர்.டி.ஓ., சின்னுசாமி பொதுமக்களிடமிருந்து கோரிக்கை மனுக்களை பெற்றார். முகாமில் மகளிர் உரிமை தொகை கோரி, அதிகளவில் பெண்கள் விண்ணப்பத்துடன் குவிந்தனர்.

முதியோர் உதவித்தொகை, வீட்டுமனைப்பட்டா, ரேஷன் கார்டு, ஆதார் கார்டில் பெயர் மாற்றம் உள்ளிட்டவைகள் கோரி, பொதுமக்கள் விண்ணப்பம் அளித்தனர். இதில், தாசில்தார் பெருமாள், ஆர்.ஐ., சத்தியபிரியா மற்றும் பல்வேறு துறை அலுவலர்கள் கலந்து கொண்டனர்.

* பாலக்கோடு அடுத்த ஜக்கசமுத்திரத்திரம் அரசு மேல்நிலைப் பள்ளியில் உங்களுடன் ஸ்டாலின் திட்ட முகாம், பி.டி.ஓ., தனலட்சுமி தலைமையில் நடந்தது.