தற்போது, மழையால் இந்த வீடுகள் இடிந்து விழும் நிலையில் உள்ளன. வீட்டில் படுக்க முடியாமல் குழந்தைகள், பெரியவர்கள் அவதிப்பட்டு வருகின்றனர். இதையறிந்த தர்மபுரி மாவட்ட பழங்குடியினர் நல திட்ட அலுவலர் கண்ணன், பாப்பிரெட்டிப்-பட்டி பி.டி.ஓ., செல்வன், தனி தாசில்தார் ஜெயசெல்வம், மண்-டல துணை பி.டி.ஓ., வேடியப்பன், உள்ளிட்ட அதிகாரிகள், நேரடி ஆய்வு மேற்கொண்டனர். இதில், ஒவ்வொரு வீடாக சென்று பழுதான வீடுகள் கணக்கெடுப்பு பணி நடந்தது.

இது குறித்து, அதிகாரிகள் கூறியதாவது:

இருளர் இன மக்கள் வாழும் பகுதியில், பழுதடைந்த வீடுகள் கணக்கெடுக்கப்பட்டன. இதில் ஏற்கனவே ஆர்.ஆர்.எச்., திட்-டத்தில், 1.47 லட்சம் ரூபாய் மதிப்பில், பழுதடைந்த வீடுகள் பராமரிப்பு செய்யும் பணி நடந்து வருகிறது.

சிறிய மற்றும் பெரிய அளவில் பழுதடைந்த, 17 வீடுகள் உள்-ளன. அந்த வீடுகளுக்கு தொகை ஒதுக்கப்பட்டு, பணி ஆணை வழங்கப்படும். கழிவுநீர் கால்வாய் முறையாக அமைக்க, திட்ட மதிப்பீடு செய்ய, ஒன்றிய உதவி பொறியாளர் உள்ளிட்ட அதிகா-ரிகள் மூலம் ஆய்வு செய்து, திட்ட மதிப்பீடு செய்யப்பட்டு, அப்-பணிகள் நடக்க உள்ளது.

இவ்வாறு, அவர்கள் தெரிவித்தனர்.