அவர்களிடம் அரூர் ஆர்.டி.ஓ. வில்சன் ராஜசேகர், எஸ்.பி. ஸ்டீபன் ஜேசுபாதம் நடத்திய பேச்சு தோல்வியடைந்தது. தொடர்ந்து மாலை எஸ்.பி., ஸ்டீபன் ஜேசுபாதம் நடத்திய பேச்சில், வரும், 8ல் கலெக்டரை கிராம மக்கள் சந்தித்து பேச முடிவானதால், மறியல் கைவிடப்பட்டது.

நான்கு தலைமுறைகளாக சாலை வசதிக்கு போராடுவதாக கூறிய மலைவாழ் மக்கள், தங்கள் கிராமத்திற்கு சாலை வசதி இல்லாததால், யாரும் பெண் கொடுப்பதில்லை. கர்ப்பிணிகள், உடல் நலம் பாதிக்கப்பட்ட குழந்தைகள், மருத்துவமனை செல்ல முடியவில்லை; மாணவர்கள் பள்ளி, கல்லுாரி செல்ல முடியவில்லை என, தெரிவித்தனர்.