இம்மக்கள் மருத்துவ சிகிச்சை பெற, அரசு ஆரம்ப சுகாதார நிலையம் உள்ளது. இதில், ஒரு டாக்டர், நான்கு செவிலியர்கள், ஒரு உதவியாளர் உள்ளனர். அனைத்து மக்களும் காய்ச்சல், சளி உள்ளிட்ட, நோய்களுக்கு இங்கு சிகிச்சை பெறுகின்றனர். ஆனால், விபத்து, பிரசவம், பாம்பு கடி உள்ளிட்டவைகளுக்கு முதலுதவி சிகிச்சை மட்டும் கிடைக்கிறது.

முழு சிகிச்சை பெற வேண்டும் எனில், தர்மபுரியில் இருந்து, 108 அவசர கால ஆம்புலன்ஸ் வரும் வரை, 2 மணி நேரத்திற்கு மேலாக காத்திருக்கும் நிலை உள்ளது. அதற்குள் சிகிச்சை பெற முடியாத நோயாளிகள் உயிரிழக்கும் நிலை ஏற்படுகிறது. மலை பகுதி என்பதால், எந்நேரமும் விஷ ஜந்துக்களால் மக்களுக்கு பாதிப்பு ஏற்படுகிறது. இதனால் மக்கள், கடுமையாக பாதிக்கப்படுகின்றனர். ஆம்புலன்ஸ் வரவில்லை எனில், வாடகை கார், பைக் உள்ளிட்டவைகள் மூலம், நோயாளிகளை அழைத்து செல்லும் நிலை உள்ளது. இதனால், மலைவாழ் மக்கள் கடும் அவதிப்பட்டு வருகின்றனர்.

எனவே, வத்தல் மலை ஆரம்ப சுகாதார நிலையத்திற்கு நிரந்தர மாக, 108 அவசரகால ஆம்புலன்ஸ், அல்லது ஆம்புலன்ஸ் வசதி ஏற்படுத்த, அரசுக்கு மலைகிராம மக்கள் வேண்டுகோள் விடுத்துள்ளனர்.