தர்மபுரி: தர்மபுரி மாவட்டம், பென்னாகரம் அடுத்த ஆணைக்கல்லானுாரை சேர்ந்த விவசாயி அன்பழகன், 40. இவருக்கும், அதே பகுதியை சேர்ந்த தொழிலாளி மாதையன், 63 என்பவருக்கும், மரத்தில் புளியம் பழம் பறிப்பது தொடர்பாக முன்விரோதம் ஏற்பட்டது. கடந்த, 1997 பிப்ரவரி மாதம் மாதையன் அதே பகுதியை சேர்ந்த சிலருடன் சென்று, வீட்டிலிருந்த அன்பழகனை தாக்கியதுடன், அவருடைய வீட்டையும் சேதப்படுத்தினார். இதில் படுகாயமடைந்த அன்பழகன் உயிரிழந்தார். பென்னாகரம் போலீசார், மாதையனை கைது செய்தனர்.