தொழிலாளி பலி

பாப்பிரெட்டிப்பட்டி, நவ. 15---

பொம்மிடி அடுத்த பில் பருத்தியை சேர்ந்தவர் கார்த்திக், 43: கூலித்தொழிலாளி. இவர், நேற்று காலை 5:00 மணியளவில், காலைக்கடன் கழிக்க அருகேயுள்ள ரயில்பாதை பகுதிக்கு சென்றார்.

அப்போது, தண்டவாளத்தை கவன குறைவாக கடந்தபோது, பொம்மிடியில் இருந்து புட்டிரெட்டிப்பட்டி நோக்கிச் சென்ற ரயில் அவர் மீது மோதியதில், உடல் சிதறி சம்பவ இடத்திலேயே பலியானார். சேலம் ரயில்வே போலீசார் விசாரிக்கின்றனர்.