குஜிலியம்பாறை: சின்னழகுநாயக்கனுார் ஊராட்சி தாசமநாயக்கன்பட்டியில் 120 குடும்பங்கள் உள்ளன. இப்பகுதி மக்களின் குடிநீர் தேவைக்காக ஊர் அருகே உள்ள ஓடையில் ‘போர்வெல்’ அமைத்து, 30 ஆயிரம் லிட்டர் கொள்ளளவு கொண்ட குடிநீர் மேல்நிலைத் தொட்டி அமைக்கப்பட்டது. தண்ணீர் குறைவாக வந்ததால் கடந்த 2 மாதங்களாக ரெட்டியபட்டி பூனைக்கல் காவிரி குடிநீர் தொட்டியில் இருந்து, இரு நாட்களுக்கு ஒரு முறை தண்ணீர் வந்தது. கடந்த ஒரு மாதமாக அந்த குடிநீரும் வரவில்லை.