இதையொட்டி ஆரத்தி, குழந்தை வரம் வேண்டி ஊஞ்சல் சேவை, பால் அபிஷேகம், கூட்டு வழிபாடு, மதிய ஆரத்தி, இரவு ஆரத்தி நடந்தது. நாள் முழுவதும் சிறப்பு அலங்காரத்துடன் சாய்பாபாவுக்கு சிறப்பு பூஜைகள் நடந்தது.

சுற்றுப்பகுதியைச் சேர்ந்த ஏராளமானோர் கலந்து கொண்டனர்.

வடமதுரை : ஸ்ரீராம நவமியை முன்னிட்டு வடமதுரை ஸ்ரீ பக்த ஆஞ்சநேயர் கோயிலில் திருமஞ்சனம், அபிஷேகம் நடந்தது. ராமர் பஜனை மடத்திலிருந்து ராமர் பட ஊர்வலம் ரத வீதிகள் வழியே மங்கம்மாள் கேணி ஆஞ்சநேயர் கோயில் கொண்டுவரப்பட்டது. சிறப்பு வழிபாடு, அன்னதானம் நடந்தது.

சின்னாளபட்டி : அஞ்சலி வரத ஆஞ்சநேயர் கோயிலில் மூலவருக்கு சிறப்பு அலங்காரத்துடன் பூஜைகள் நடந்தது.

உற்ஸவர் கோதண்டராமருக்கு, மலர் அலங்காரத்துடன் சிறப்பு அபிஷேகம், மகா தீபாராதனையும் நடந்தது.ரெட்டியார்சத்திரம் கோபிநாத சுவாமி கோயில், கன்னிவாடி கதிர்நரசிங்கபெருமாள் கோயிலில் சிறப்பு அபிஷேகம் நடந்தது.