இந்த கோயிலில் பல நுாறு ஆண்டுகளுக்கும் மேலாக ஆண்கள் மட்டுமே பங்கேற்கும் திருவிழா பாரம்பரியமாக நடந்து வருகிறது.இத்திருவிழா இரண்டு வாரம் நடைபெறும்.

முதல் திருவிழா பிப். 18 ல் நடந்தது. 2வது படையல் திருவிழா நேற்று நடந்தது. நேற்று முன்தினம் அதிகாலை 1:00 மணிக்கு மேல் சுவாமிக்கு பொங்கல் வைக்க விழா தொடங்கியது. பக்தர்கள் நேர்த்திக்கடனாக வழங்கிய 50-க்கு மேற்பட்ட ஆடுகள் பலியிடப்பட்டு இரவு முழுவதும் கிராமத்தார்களால் 10-க்கும் மேற்பட்ட அண்டாக்களில் உணவு சமைக்கப்பட்டது. இதைதொடர்ந்து நேற்று காலை சுவாமிக்கு படையல் போட சுவாமிக்கு சிறப்பு அபிஷேகம், தீபாராதனை நடந்தது. இதன் பின் அங்கு கூடியிருந்த ஏராளமான ஆண்களுக்கு அசைவ உணவு வழங்கப்பட்டது.