தமிழக முன்னாள் முதல்வர் அண்ணாதுரை பிறந்தநாளை முன்னிட்டு திண்டுக்கல் பூ மார்க்கெட் அருகே உள்ள அவரின் சிலைக்கு அமைச்சர் பெரியசாமி மாலை அணிவித்து மரியாதை செலுத்தினார்.

எம்.எல்.ஏ.க்கள் செந்தில்குமார், காந்திராஜன், மாநகர செயலாளர் ராஜப்பா, மேயர் இளமதி கலந்து கொண்டனர்.

அ.தி.மு.க.,மேற்கு மாவட்டம் சார்பில் அமைப்பு செயலாளர் மருதராஜ் தலைமையில் கட்சியினர் மாலை அணிவித்து மரியாதை செலுத்தினர். மாநகராட்சி எதிர்க்கட்சித் தலைவர் ராஜமோகன், ஒன்றிய செயலாளர் ராஜசேகரன், மாவட்ட ஜெ., பேரவை செயலாளர் பாரதி முருகன், மாநில பொதுக்குழு உறுப்பினர் நெப்போலியன், பகுதி செயலாளர்கள் சுப்பிரமணி, மோகன், ராஜன், சேசு, முரளி, இக்பால், மதுரை மண்டல தகவல் தொழில்நுட்ப பிரிவு துணைச் செயலாளர் வீரமார்பன், கவுன்சிலர் பாஸ்கர் கலந்துகொண்டனர்.

ஒட்டன்சத்திரம் : ஒட்டன்சத்திரம் நகர தி.மு.க., சார்பில் திருவுருவப் படத்திற்கு மாலை அணிவித்து மரியாதை செய்யப்பட்டது. நகரச் செயலாளர் வெள்ளைச்சாமி, தலைமை செயற்குழு உறுப்பினர் கண்ணன், நகராட்சி தலைவர் திருமலைசாமி, கவுன்சிலர்கள் கலந்து கொண்டனர்.