கன்னிவாடி: திண்டுக்கல் மாவட்டம் கன்னிவாடி வனப்பகுதியில் 2 வாரங்களுக்கு மேலாக நீலமலைக்கோட்டை, பண்ணைப்பட்டி, நாயோடை நீர்த்தேக்கம் பகுதிகளில் யானைகள் சாகுபடியை சேதப்படுத்தி வருகின்றன. நேற்று முன்தினம் மேற்கு தொடர்ச்சி மலையடிவாரத்தில் தருமத்துப்பட்டி அருகே கோம்பையில் மலையடிவார நிலத்தில் ஒரு குட்டி உட்பட 3 யானைகள் கொண்ட கூட்டம் புகுந்தது. தென்னை, வாழை மரங்களை சேதப்படுத்தி வருகின்றன. வனத்துறை அலட்சியத்தால் யானைகளை வனப்பகுதிக்குள் அனுப்புவதில் தாமதம் நீடிப்பதாக புகார் எழுந்துள்ளது.