தாடிக்கொம்பு பேரூராட்சி ஆத்துப்பட்டியில் குடகனாற்றின் குறுக்கே ரூ.7.50 கோடி மதிப்பில் மேம்பாலம் கட்டும் பணிகள் நடைபெற்று வருகின்றன. இதன் பணிக்காக சென்ட்ரிங் தகடுகள் குவித்து வைக்கப்பட்டிருந்தன. ரூ. 1.70 லட்சம் மதிப்பிலான 90 இரும்பு தகடுகளை திருடி சென்றனர். வேடசந்துார் டி.எஸ்.பி., இலக்கியா தலைமையிலான தனிப்படை போலீசார் சி.சி.டிவி., கேமராக்களை ஆய்வு செய்து குற்றவாளிகளை தேடி வந்தனர். சாலையூர் நால்ரோடு பகுதியில் வாகன சோதனையில் ஈடுபட்ட போது சரக்கு வாகனத்தில் கான்கிரீட் போடுவதற்காக இரும்பு தகடுகள் ஏற்றி வந்தது தெரிய வந்தது. அதன் பின்னால் வந்த காரையும் நிறுத்தி விசாரித்தனர்.

தர்மபுரி மாவட்டத்தை சேர்ந்த முருகன் 33,தண்டபாணி 35, சூர்யா 23, சேட்டு 28,

கிருஷ்ணகிரி சூர்யா 23, என்பதும் இவர்கள்தான் இரும்பு தகடுகளை திருடியது தெரிய வர 5 பேரையும் கைது செய்து 90 இரும்பு தகடுகளையும் பறிமுதல் செய்தனர். இதோடு வேன், காரையும் பறிமுதல் செய்தனர்.