இக்கூட்டத்தில் இலவசவீட்டு மனை பட்டா ,கறிக்கோழி வளர்ப்பு விவசாயிகள்,பண்ணையாளர்கள், நிறுவனங்கள் என 636 மனுக்கள் பெறப்பட்டதில் 40 சதவீத மனுக்கள் கறிக்கோழி பிரச்னைக்கு தீர்வு காண வழங்கப்பட்டது.

தமிழ்நாடு கறிக்கோழி பண்ணை விவசாயிகள் ஒருங்கிணைப்பு நலச்சங்க மாநிலச் செயலாளர்முகமதுரபீக், நிர்வாகிகள் வழங்கிய மனுவில், கறிக்கோழி வளர்ப்பு விவசாயிகள், பண்ணையாளர்கள்குறித்து துல்லிய கணக்கெடுப்பு நடத்த வேண்டும் என்பன உட்பட பல்வேறு கோரிக்கை மனுக்களை விவசாயிகளுடன் இணைந்து வழங்கினர்.

ஒட்டன்சத்திரம் செங்காட்டுத்தோட்டம் விவசாயி சதீஸ்குமார் வழங்கிய மனுவில், கறிக்கோழி வளர்ப்புகூலியாக கிலோவிற்கு கொள்முதல் விலை ரூ.6.50 வழங்குவதற்கு பதிலாக கிலோவிற்கு 20 ரூபாய்கார்ப்ரேட் நிறுவனங்கள் வழங்க நடவடிக்கை எடுக்க வேண்டும்என்பன உள்ளிட்ட கோரிக்கைகளைநிறைவேற்ற மனு அளித்தார்.

இதை பரிசீலித்த கலெக்டர்,கறிகோழி வளர்ப்பு விவசாயிகள், பண்ணையாளர்கள் குறித்த துல்லியகணக்கெடுப்பு நடத்துவதற்கான ஆலோசனைக் கூட்டம் டி.ஆர்.ஓ., தலைமையில் விரைவில் நடத்தப்படும் என, உறுதியளித்தார்.

39 மாற்றுத் திறனாளிகளுக்கு இலவச வீட்டுமனைப் பட்டா, ஆவின் சார்பில் பயனாளிக்கு ரூ.50 காசோலை, தமிழ் வளர்ச்சித் துறையின் சார்பில் நடந்த போட்டிகளில் வெற்றி பெற்றவர்களுக்குசான்றிதழ், பரிசு வழங்கப்பட்டன. டி.ஆர்.ஓ., ஜெயபாரதி, கூட்டுறவு சங்கங்களின் இணைப் பதிவாளர்ஸ்ரீராகவ் பாலாஜி, மாநில ஊரக வாழ்வாதார இயக்க திட்ட இயக்குநர் சதீஸ்பாபு, மாவட்ட வழங்கல்அலுவலர் அன்பழகன், மாவட்ட பிற்படுத்தப்பட்டோர் நல அலுவலர் சுகுமார், சமூக பாதுகாப்புத்திட்டமாவட்ட அலுவலர் ஹென்றி பீட்டர், கலெக்டரின் நேர்முக உதவியாளர் (நிலம்) சிவகுமார், கலால்துறை உதவி ஆணையர் பிரபு பங்கேற்றனர்.