வடமதுரை: கொன்னையம்பட்டியில் அரசு இடத்தில் புதிய பாலம், பாதை அமைக்கும் பணி ஓராண்டு தாமதத்துடன் துவங்கி நடக்கிறது. புத்துார் வறட்டாறு குறுக்கிடுவதால் கொன்னையம்பட்டி கிராமம் மழை நேரத்தில் துண்டிக்கப்படுக்கிறது. இந்த ஊருக்கு பாதை வசதியின்றி தனியார் இடம் வழியே சென்று வருவதால் பல ஆண்டுகளாக சண்டை, சச்சரவுகளும் உள்ளன.இப்பிரச்னை குறித்து தினமலர் நாளிதழ் தொடர்ந்து செய்திகள் வெளியிட்டு வந்தது. அதன் பலனாக 2025 துவக்கத்தில் அரசு இடம் வழியே புதிய வழித்தடம், பாலம் அமைக்க ரூ.1 கோடி ஒதுக்கப்பட்டது.