சமீபத்தில், கலெக்டர் நாகராஜனின் கார் போக்குவரத்து சிக்கலில் சிக்கியது. இதையடுத்து ஆக்கிரமிப்பை அகற்ற உத்தரவிட்டார். அடுத்த நாள், 'தாங்களாகவே ஆக்கிரமிப்பை அகற்ற வேண்டும்,' என, அதிகாரிகள் கூறினர்; தானாக முன்வந்து பலர் அகற்றினர். வடமதுரை ரோட்டில் அதிகாரிகள் இப்பணியில் ஈடுபட்டனர்.அவை முழுமையாக அகற்றப்படவில்லை. சில பிரச்னைகள் ஏற்பட்டன. 'முறையாக அளந்து நோட்டீஸ் கொடுக்காமல் ஆக்கிரமிப்பை அகற்றியதால் பிரச்னை எழுந்தது,' என, அதிகாரிகள் விளக்கம் அளித்தனர்.இச்சம்பவம் நடந்து இரண்டு மாதம் முடிந்த நிலையில், ஆக்கிரமிப்புகள் மீண்டும் தலை தூக்கியுள்ளன. ஆக்கிரமிப்பு அகற்றம் என்ற பெயரில் அரசு பணம் வீணடிக்கப்பட்டது தான் மிச்சம். இப்பிரச்னையில் கலெக்டரின் உத்தரவு காற்றில் பறந்து விட்டது. இதில் கலெக்டர் நேரடியாக களம் இறங்க வேண்டும்.