மாவட்டத்தில் சிறு, குறு விவசாயிகளே 90 சதவீதம் இருப்பதால் இவற்றை அகற்றுவதற்கு பல ஆயிரக்கணக்கில் செலவு செய்ய வேண்டியதை நினைத்து விவசாயத்திற்கு திரும்ப நினைப்பவர்களும் மலைத்துப் போகின்றனர்.

சீமை கருவேல முட்களை அகற்றும்போது கிடைக்கும் வேர்களை செங்கல் சூளை உள்ளிட்ட சில நிறுவனங்கள் வாங்கினாலும் அந்த வருமானம் முட்புதர்களை அகற்றுவதற்கு போதுமானதாக இல்லை. இரண்டு ஆண்டுகளுக்கு முன்பு தரிசு நிலங்களை வேளாண் நிலமாக மாற்ற அரசு மானியம் வழங்கியது.

அதன் மூலம் வட்டாரத்திற்கு ஒரு சில விவசாயிகளே பயனடைந்தனர். அதேபோன்று முட்புதர்களை அகற்ற வேளாண் தோட்டக்கலைத் துறை மூலம் 100 சதவீத மானியம் வழங்கினால் பலநுாறு விவசாயிகள் பயனடைவர். இந்த ஆண்டிலும் முட்புதர்களை அகற்றுவதற்கு அரசு மானியம் வழங்க வேண்டும் .