இந்த மலை பகுதியின் அடிவாரத்தில் 500 மீட்டர் தொலைவில் குடியிருப்பு உள்ளது. இப்பகுதியைச் சேர்ந்தவர்கள் வத்தலக்குண்டு வனத்துறை, தீயணைப்பு துறையினருக்கு தகவல் கொடுத்தனர். அவர்கள் தீயை அணைக்கும் பணியில் ஈடுபட்டு வருகின்றனர். இப்பகுதியைச் சேர்ந்தவர்கள் கூறியதாவது : சமூக விரோதிகள் தீ வைத்து உள்ளனர். அதிக வெப்பம் காரணமாக தீ வேகமாக பரவி வருகிறது. இப்பகுதியில் வனத்துறையினர் ரோந்து பணியில் ஈடுபட வேண்டும் என்றனர்.