வடமதுரை: திருச்சி மாவட்டம் மருங்காபுரி ஊத்துக்குளியை சேர்ந்தவர் சிவஞானம் 45. மினிலாரியில் வைக்கோல் வியாபாரம் செய்தார். புதுக்கோட்டை மாவட்டம் ஆவுடையார் கோவில் பகுதியில் இருந்து வைக்கோல் ஏற்றி கொண்டு நேற்று மதியம் வடமதுரை பகுதிக்கு வந்தனர். சிவஞானம் மகன் தினேஷ் 20, ஓட்டினார். வேலாயுதம்பாளையத்தில் இருந்து மூனாண்டிபட்டி கிராமத்திற்கு சென்ற போது ரோட்டின் குறுக்கே தாழ்வாக சென்ற மின்ஒயர்களில் உரசியதில் வைக்கோல் மீது தீப்பற்றியது.