திண்டுக்கல்லில் அவர் கூறியதாவது : திண்டுக்கல் மலைக்கோட்டை அபிராமி அம்மன் கோயிலில் விக்ரகங்களை பிரதிஷ்டை செய்து கும்பாபிேஷகம் நடத்த அறநிலையத் துறைக்கு கோரிக்கை விடுக்கிறோம். மலை மீது அமைந்துள்ள இந்த கோயிலை பார்வையிடுவதற்கு கூட தமிழக போலீசார் அனுமதிப்பதில்லை. நாங்கள் வந்தாலே தடுத்து விடுகின்றனர். இந்த மலை தொல்லியல் துறை கட்டுப்பாட்டில் இருந்தாலும் கூட சிலைகளை பிரதிஷ்டை செய்து கும்பாபிேஷகம் நடத்துவதற்கு மத்திய அரசிடம் மாநில அரசு வலியுறுத்த வேண்டும். ஆன்மிக பெரியவர்களால் பழநி பாதயாத்திரை பக்தர்களுக்கு கட்டப்பட்ட மண்டபங்களில் அரசியல் கட்சிகள் மாநாடு நடத்த அனுமதிக்கக் கூடாது. தி.மு.க., அரசு சிறுபான்மையினருக்கு ஆதரவானது என மக்கள் மத்தியில் பரப்பப்பட்டு அவர்களுக்கு ஒரு உத்வேகம் வந்துள்ளது. இதனால் பெரும்பான்மையினர் மிரட்டப்படுகின்றனர்.பல இடங்களில் மதமாற்றங்கள் நடக்கிறது. சதுர்த்தியை முன்னிட்டு தமிழகம் முழுவதும் 1.50 லட்சம் இடங்களில் விநாயகர் சிலைகள் நிறுவப்படும். 2024ல் 15 லட்சம் வீடுகளில் விநாயகர் சிலைகள் வைத்து வழிபாடு நடத்தப்பட்டது. இந்த முறை அதிகமாகும். தமிழகத்தில் சட்டம் ஒழுங்கு மிகவும் பாதிக்கப்பட்டுள்ளது. இரு தினங்களுக்கு முன் ஒரே நாளில் 8 கொலைகள் நடந்துள்ளது. பெரும்பாலும் இதில் ஆளுங்கட்சியினர் சம்மந்தப்பட்டுள்ளனர்.

சட்டம் ஒழுங்கு கெடுதலுக்கு போதை கலாசாரமே காரணம். போதைப் பொருள்கள் பயன்பாட்டை கட்டுப்படுத்த நடவடிக்கை எடுக்க வேண்டும்.

ஹிந்து முன்னணி அரசியல் கட்சி அல்ல. ஹிந்துக்களுக்காக குரல் கொடுக்கும் கட்சிகளுக்கு தேர்தலில் ஆதரவு அளிப்போம் என்றார்.