நேற்று நாள் முழுவதும் மழை, வெயில் என மாறி, மாறி வானிலை நிலவியது. கொடைக்கானல், பழநி, வத்தலகுண்டு, சின்னாளப்பட்டி, வேடசந்துார் உள்ளிட்ட இடங்களிலும் மழை பெய்தது. அதிகபட்சமாக வேடசந்துாரில் 29 மில்லிமீட்டர் மழை பெய்தது.

திண்டுக்கல் 12, காமாட்சிபுரம் 17, நத்தம் 10,நிலக்கோட்டை 28.20, சத்திரபட்டி 12.40, புகையிலை நிலையம் 28.60, பழநி 9, ரோஸ் கார்டன் 8.30 பிரையண்ட் பூங்கா 9.36 மி.மீ., மழை பதிவானது.

பழநியில் நேற்று மாலை மழை பெய்ததால் குளிர்ச்சியான சூழல் நிலவியது. இதனால் பொதுமக்கள் மகிழ்ச்சி அடைந்தனர்.

பழநி சுற்றுப்பகுதியில் கனமழை பெய்ததால் சாலைகளில் தண்ணீர் பெருக்கெடுத்து ஓடியது. நெய்க்காரப்பட்டியில் கொழுமம் சாலையில் சாக்கடை பணிகள் நடைபெற்று வருவதால் மழை நீருடன் சாக்கடை நீரும் கலந்து ரோட்டில் ஓடியதால் பொதுமக்கள் அவதிப்பட்டனர். வாகன ஓட்டிகள் சிரமம் அடைந்தனர்.