பழநி முருகன் கோயில் கட்டுப்பாட்டின் கீழ் அடிவாரத்தில் குழந்தை வேலாயுதசுவாமி உள்ள திருஆவினன்குடி கோயிலில் கும்பாபிஷேகம் இன்று காலை 6: 00 மணிக்கு மேல் 7:00 மணிக்குள் நடக்கிறது. டிச.4ல் கணபதி பூஜையுடன் கும்பாபிஷேக பூஜைகள் துவங்கின. தினமும் வேள்வி, பல்வேறு சிறப்பு பூஜை நடந்தது.

வள்ளிகும்மியாட்டம் உள்ளிட்டவையும் நடந்தது. இன்று அதிகாலை 4:00 மணிக்கு ஆறாம் கால வேள்வியில் சந்திரன் வழிபாடு, நீர் கடவுள் வழிபாடு உள்ளிட்டவை நடைபெறும். காலை 6:30 மணிக்கு மூலவர் சன்னதி, திருச் சுற்றில் உள்ள சன்னதி களுக்கு விமான கலசங்களுக்கு கும்பாபிஷேகம் நடந்து, தீபாராதனை நடக்கும்.

காலை 9:00 மணிக்கு அபிஷேகம், அலங்காரம், தீபாராதனை நடக்கிறது. மாலை 6:00 மணிக்கு குழந்தை வேலாயுதசாமி வீதி உலா நடக்கிறது. கும்பாபிஷேகத்தை முன்னிட்டு பூங்கா ரோடு, பாளையம் ரோடு, சன்னதி வீதி, குளத்து ரோடு பகுதிகளில் போக்குவரத்து மாற்றம் செய்யப்பட உள்ளது. போலீசார் பாதுகாப்பு பணியில் ஈடுபட்டுள்ளனர்.