அண்ணா பல்கலை அளவிலான 17வது மண்டல தடகள போட்டிகள் நத்தம் பி.எஸ்.என்.ஏ., பொறியியல் கல்லுாரியில் நவ.22,23 ல் நடந்தது. இதில் நத்தம் என்.பி.ஆர்., கல்லுாரி மின்னணுவியல் தகவல் தொழில்நுட்பவியல் மாணவி மதுமிதா நீளம் தாண்டுதலில் வெள்ளிப்பதக்கம், மும்முறை தாண்டுதல் பிரிவில் வெண்கலப்பதக்கம் வென்றார்.

கணினி அறிவியல் பொறியியல் துறை மாணவர் பாலமுருகன் 100 மீட்டர் ஓட்டத்தில் வெள்ளி பதக்கம், 200 மீட்டர் ஓட்டத்தில் வெண்கல பதக்கம் வென்றார். இவர்களுக்கு என்.பி.ஆர்., கல்லுாரி சார்பாக பாராட்டு விழா நடைபெற்றது. கல்லுாரி முதல்வர் செல்வபெருமாள், உடற்கல்வி ஆசிரியர் செந்தில்குமார் ,பேராசிரியர்கள் வாழ்த்தினர்.